ԱԺ ճեպազրույցների ժամանակ հայտարարել է ՕԵԿ խմբակցության քարտուղար Մհեր Շահգելդյանը, անդրադառնալով ԲՀԿ հիմնադիր և նախկին առաջնորդ Գագիկ Ծառուկյանի՝ ակտիվ քաղքականություն հնարավոր վերադարձին, նշեց, որ Քաղաքականություն վերադարձի հարցը հենց Գագիկ Ծառուկյանը պետք է կայացնի: Նրա խոսքով՝ Գագիկ Ծառուկյանն ինքը պետք է հաշվի առնի բոլոր խնդիրները, գործոնները, և վերջնական որոշում կայացնի:
«Իսկ մեր ձայները՝ մեր ձայներն են պայմանավորված են և՛ աշխատանքով, և՛ գործունեությամբ: Ընտրական գործընթացը մրցակցություն է, բայց մենք մտավախություն չունենք, որ ինչ-որ մեկը կվերադառնա և կտանի մեր ձայները: Մեր աշխատանքի գնահատականն ընտրությունների ժամանակ կտա մեր ընտրողը»,- նշեց Մ. Շահգելդյանը:
Ըստ Մ. Շահգելդյանի՝ Ադրբեջանի կողմից Լեռնային Ղարաբաղի Հանրապետության դեմ նոր ագրեսիվ գործողությունները չեն բացառվում: Անդրադառնալով ադրբեջանական կողմից դիվերսիոն ներթափանցման հերթական փորձին՝ պատգամավորը հիշեցրել է, որ ապրիլյան ագրեսիայից հետո ղարաբաղյան հակամարտության գոտում շփման գծում նման դիվերսիա իսկապես չէր եղել. «Սա մասամբ կապված էր Ադրբեջանի սահմանադրական հանրաքվեի հետ, որը կտրուկ քննադատության ենթարկվեց եվրոպական երկրների և կառույցների կողմից: Ենթադրում եմ, որ իրավիճակը սրելու փորձերը կարող են ադրբեջանական քաղաքականության մաս կազմել, որի նպատակը գոյություն ունեցող խնդիրներից հանրության ուշադրությունը շեղելն է»:
Մանրամասները՝ տեսանյութում:
