ԱՄՆ գործող փոխնախագահ Ջո Բայդենը հանդիսանում է նախագահի դեմակրատ թեկնածու Հիլարի Քլինթոնի «համառոտ ցուցակում» ԱՄՆ պետքարտուղարի պաշտոնի առավել հավանական թեկնածուն։ Այս մասին գրում է Politico-ն՝ հղում անելով իրազեկ աղբյուրին։
Բայդենի նշանակումը պետքարտուղարի պաշտոնում կարող է դառնալ Քլինթոնի ընտրվելու դեպքում նրա առաջին կարևոր քայլերից մեկը։ Նշվում է, որ ո՛չ նախկին պետքարտուղարն անձամբ, ո՛չ նրա օգնականները դեռևս չեն հայտնել Բայդենին նրա հետ կապված պլանների մասին։ Աղբյուրի խոսքով՝ նրանք շատ ժամանակ են ծախսում՝ Բայդենին համաձայնել ստիպելու լավագույն միջոցի որոնումների վրա։
ԱՄՆ փոխնախագահն ավելի վաղ դիտարկել էր 2016-ի նախագահական ընտրություններում մասնակցության հնարավորությունը, սակայն արդյունքում հրաժարվել այդ գաղափարից։