Թուրքական Anadolu լրատվական գործակալության փոխանցմամբ՝ Թուրքիայի վարչապետ Բինալի Յըլդըրըմը Ստամբուլում լրագրողների հետ զրույցում հայտարարել է, որ Ադրբեջանն օրինակելի երկիր է գյուլենականների դեմ պայքարի հարցում.
«Վստահ եմ, որ Գյուլենի ահաբեկչական հոսանքի դեմ պայքարի հարցում Ադրբեջանի օրինակին կհետևեն նաև թյուրքական մյուս պետությունները։ Գյուլենի ահաբեկչական հոսանքը վտանգավոր է ոչ միայն Թուրքիայի համար, այլև՝ համայն աշխարհի։
Ոչ մի երկիր, ուր գործում են Գյուլենի կողմնակիցները, չի գտնվում անվտանգության մեջ։ Եղբայրական Ադրբեջանն այդ հարցում ցուցադրել է օպերատիվություն ու զգայունություն։
Մենք բարձր ենք գնահատում Ադրբեջանի քայլերը, որոնք ուղղված են Գյուլենի կառույցի ամբողջական ոչնչացմանը։ Հուսով ենք, որ բարեկամական ու եղբայրական մյուս երկրները կհետևեն նրան»։