ՀՀՇ վարչության նախագահ Արարատ Զուրաբյանը «Առաջին լրատվական»- ի հետ զրույցում անդրադառնալով հարցին, թե ինչ է անհրաժեշտ, որպեսզի Հոկտեմբերի 27-ը պատասխանատուների և կազմակերպողների մասով բացահայտվի, նշեց. «Շատ բարդ է, որովհետև երկար տարիներ են անցել և ինչքան ժամանակ է անցնում, այնքան բարդանում է, բայց կարծում եմ, որ մի օր Հայաստանում կլինի այլ իշխանություն, որը կանդրադառնա այս հարցին, և բացառված չէ, որ հնարավոր լինի Հոկտեմբերի 27-ի իրական կազմակերպիչներին հայտնաբերել: Ինչևէ: Այսօր չեմ տեսնում այդպիսի հնարավորություն:
Ես համոզված եմ, որ հոկտեմբերի 27-ից հետո, երբ որ այդ ամենը եղավ, բացահայտման ամենամեծ հնարավորությունները այդ ժամանակ էին, բայց ինչ-որ բան այլ ճանապարհով գնաց, և փաստորեն ունեցանք այն ինչ-որ ունենք՝ մի խումբ ռոմանտիկներ՝ առանց կազմակերպիչների: Ես համոզված եմ, որ բացի Քոչարյանից, ուրիշ ոչ մեկի մոտ դրա նկատմամբ հավատ չկար»:
Հոկտեմբերի 27-ի մեջ շատերը տեսնում են ռուսական հետք, անհրաժեշտ չէ՞ արդյոք, որ ոչ թե պրոռուսական քաղաքականություն վարող, այլ նաև այլ երկիների հետ գործակցող իշխանություն լինի, որպեսզի բացահայտվի այս գործը. այս հարցին ի պատասխան, Արարատ Զուրաբյանը նշեց, որ իր համոզմամբ, այս տիպի Ռուսաստանն ավարտ է ունենալու. Ռուսաստանը կա՛մ փոխվելու է, կա՛մ թատերաբեմից հեռանալու է ընդհանրապես: Աշխարհը շատ արագացած զարգացում է ապրում, և այնպիսի պետությունները, ինչպիսիք են Ռուսաստանը, Բելոռուսը կամ Ղազախստանը, համաշխարհային թատերաբեմում կամ կորցնելու են որևէ դեր ունենալու հնարավորությունը, կա՛մ պետք է վերափոխվեն: Մենք ոչ թե Ռուսաստանի դեմ ենք խոսում, այլ այն համակարգի, որը գործում է»:
Մանրմասները՝ տեսանյութում: