Հյուսիսհարավ ավտոմայրուղու կառուցման ծրագիրը դադարեցնելու որոշում չկա: Այդ մասին կառավարության նիստից հետո լրագրողների հետ զրույցում նշեց ՀՀ տրանսպորտի, կապի և տեղեկատվական տեխնոլոգիների նախարար Վահան Մարտիրոսյանը:
Հարցին, թե միջազգային պայմանագրով, այնուամենայնիվ, հնարավո՞ր է ծրագիրը դադարեցնել, նախարարն ասաց, որ կարող ենք որոշել, թե որ ուղղությամբ ծրագիրը շարունակել: «Հարցը դեռևս քննարկման ընթացքում է, որևէ որոշում այդ առումով չկա», ասաց նախարարը:
Վահան Մարտիրոսյանն նշեց, որ ինքն էլ նորմալ չի համարում «Հյուսիս-հարավ» ավտոճանապարհի անընդհատ ձգձգվող կաւռուցումը:
Անդրադառնալով Գյումրիի «Շիրակ» օդանավակայանից դեպի Մոսկվա իրականացվող ավիաթռիչքների տոմսերի գնի հնարավոր նվազմանը նախարարը նշեց. «Հայտարարվել է, որ նոյեմբերի վերջից կսկվեն թռիչքները, և արժեքները կսկսվեն 10. 000 դրամից: Իհարկե սա իրատեսական է և հաստատ 10.000 դրամով տոմսեր կլինեն»:
Մանրմասները՝ տեսանյութում: