Ամերիկյան The Wall Street Journal պարբերականի փոխանցմամբ՝ Ճապոնիայի ավտոմոբիլային խոշորագույն ընկերություններից Toyota-ն հարկադրված է համայն աշխարհից հետ կանչել 5.8 միլիոն տրանսպորտային միջոց։
Նման որոշում կայացվել է ավտոմեքենաներում տեղադրված Takata անվտանգության բարձիկների հետ կապված անսարքության հայտնաբերումից հետո։ Պարզվել է, որ անվտանգության բարձիկները ընթացքի ժամանակ կարող են ավտոմատ բացվել։
Մոտ 1.16 միլիոն ավտոմեքենա հետ է կանչվելու ճապոնական շուկայից, 1.47 միլիոն ավտոմեքենա՝ եվրոպական շուկայից, 820.000-ը՝ չինականից։ Հետկանչման ենթակա տրանսպորտային բոլոր միջոցները արտադրվել են 2006-2014 թվականներին։
