«Իրավախախտում կատարած անձանց վերականգնողական կենտրոն» ՊՈԱԿ-ի, «Աջակցություն դատապարտյալներին» հիմնադրամի, ՀՀ կրթության և գիտության նախարարության հետ համագործակցության արդյունքում «Աբովյան», «Սևան», «Կոշ», «Արթիկ», «Վանաձոր», «Արմավիր» քրեակատարողական հիմնարկներում 2016 թվականին իրականացվել է դատապարտյալների վերասոցիալականացմանն ուղղված մի շարք միջոցառումներ: Ինչպես տեղեկացրին ՀՀ արդարադատության նախարարության քրեակատարողական վարչության հանրային կապերի բաժնից, 2016 թվականի 9 ամիսների ընթացքում իրացվել է 83 դատապարտյալների ինչպես հանրակրթական, մասնագիտական՝ արհեստագործական, այնպես էլ բարձրագույն և հետբուհական կրթական իրավունքը:
Մասնավորապես, հանրակրթական ուսում ստացել են 65 դատապարտյալ, մասնագիտական՝ արհեստագործական, 10 դատապարտյալ, իսկ բարձրագույն, հետբուհական կրթություն՝ 8 դատպարտյալ:
Սույն թվականի 9 ամիսների ընթացքում արհեստագործական հատուկ 2-ամսյա դասընթացներ են անցել ևս 55 դատապարտյալներ (խեցեգործության, ռուսաց լեզվի, ծնողավարման հմտությունների, վարսահարդարման և այլն), որոնց բոլորին տրվել են համապատասխան վկայականներ:
Ընդհանուր առմամբ 2014-2016 թվականների ընթացքում շուրջ 352 դատապարտյալ կրթություն է ստացել: