ԴԱԻՇ-ի գրոհայինները ձեռնարկել են առաջին խոշոր հարձակումն Աֆղանստանի կենտրոնական հատվածի վրա, որի ընթացքում մահապատժի է ենթարկվել 36 խաղաղ բնակիչ։ Այս մասին հաղորդում է RIA Novosti-ն՝ վկայակոչելով տեղի իշխանություններին։
Իշխանությունների տվյալներով՝ գրոհայինները երեքշաբթի երեկոյան հարձակում են գործել Գոռ նահանգի վրա։ Աֆղան ուժայինները պատասխան գործողություն են իրականացրել՝ սպանելով ԴԱԻՇ-ի հրամանատարներից մեկին։
Ավելի վաղ աֆղանական ԶԼՄ—ները հայտարարել էին, որ «Թալիբան» շարժման ներկայացուցիչները Աֆղանստանի կենտրոնում առևանգել և սպանել են 33 խաղաղ բնակչի։ Տեղի իշխանությունները չեն հստակեցրել՝ արդյոք ԴԱԻՇ-ի գրոհայինների մասին տեղեկատվությունը սույն հաղորդագրության ճշգրտված տարբերակն է։
