«Զբաղվածության մասին» օրենքում փոփոխությունների քննարկմանն ժամանակ այսօր ԱԺ նիստում ՀԱԿ խմբակցության պատգամավոր Գագիկ Ջհանգիրյանը նշեց, որ մեկ-մեկ զարմանում է, երբ պատգամավորները ծանրանում են այնպիսի նախագծերի քննարկման վրա, որ ամենից քիչ խնդիրները հարուցողն են և այնպես թեթև ենք անցկացնում այնպիսի նախագծեր, որոնք լուրջ քննարկման խնդիր ունեն:
«Ի՞նչ է պատիժը, այն վերադաստիարակելու խնդիր ունի, իսկ դրա համար պետք է արած արարքի համար պատասխանատվություն կրի, պետք է արդար դատապարտված լինի, արդար դատաքննությամբ պետք է հաստատած լինեն իր մեղքը, սակայն երբ մարդն անմեղ է, այդ մարդու ի՞նչը ուղղենք, վերադաստիարակենք: Ինքը թշնամությամբ է լցվելու այդ պատիժը կրելու ժամանակ և՛ ՔԿՀ աշխատողների, և՛ դատարանի, և՛ հասարակության նկատմամբ: Մարդուն պետք է հնարավորություն տանք՝ հասարակության համար պիտանի մարդ դառնալու»:
Անդրադառնալով նաև ՕԵԿ պատգամավոր Հովհաննես Մարգարյանի այն դիտարկմանը, թե շատ մարդիկ աղքատությունից դրդված են գողության դիմում ու հայտնվում ՔԿՀ-ներում, Գ. Ջհանգիրյանը նշեց. «Գողություն կատարողները ոչ թե սոցիալապես անապահով մարդիկ են, այլ նյութապես լավ ապահովվածներն են: Իսկ այդպես արտահայտվելով՝ մենք վիրավորում ենք աղքատության մեջ գտնվող մարդուն, թե նա է հիմնականում գողություն անողը: Ի դեպ, նա ավելի բարոյական է, ավելի արժանապատիվ, չի քծնել, չի դավաճանել իր սկզբունքները, դրա համար աղքատ է մնացել: Նա գնում է կայարանում բեռ է կրում, մի քանի հազար դրամ է աշխատում ու բերում իր երեխային կերակրում: Սա սոցիոլոգիական հարցումների արդյունք եմ ասում: Գողություն անում է, օրինակ, նարկոմանը, որը լավ էլ հարուստ մարդու տղա է, գնում է, գողություն է անում, քանի որ հայրը գումար չի տալիս՝ թմրադեղերի համար: Այդպիսի բազմաթիվ օրինակներ կարող եմ ասել բազմաթիվ պաշտոնատար անձանց մասին»:
Գագիկ Ջհանգիրյանի գնահատմամբ՝ նախագիծը լավն է և պետք է առաջին ընթերցմամբ այն ընդունել, հետո՝ բարելավել:
Մանրամասները՝ տեսանյութում: