Զբաղվածության մասին օրենքում փոփոխություններ կատարելու մասին օրինագծի քննարկման ժամանակ, որով առաջարկվում է դատապարտյալներին ազատության մեջ հայտնվելուց առաջ ՔԿ-ում կրթական ծրագիր անցնել, ԱԺ ՀՀԿ խմբակցության պատգամավոր, պետաիրավական հարցերով մշտական հանձնաժողովի նախագահ Հովհաննես Սահակյանը նշեց. «Ամեն ինչից խոսեցինք, բայց խնդիրը վերաբերում է հետևյալին, որ այն քաղաքացիները, ովքեր կալանավայրերում են պատիժ կրում, նրանք, ովքեր այլընտրանքային են կրում իրենց պատիժը, իմանան, որ ունեն ուսուցման իրավունք, որը հնարավորություն կտա աշխատանք փնտրել»: Նա նաև հավելեց, որ խորհրդարանում որևէ մեկը գաղափարին դեմ չարտահայտվեց, բայց բոլորը դեմ արտահայտվեցին իրականացման մեխանիզմներին:
«Պետք է դնենք հստակ մեխանիզմներ՝ ինչպես պետք է շահագրգռել գործատուին, որ
աշխատանքի վերցնի նրանց, դատապարտյալին, որ աշխատի: Ազնիվ լինենք. եթե մարդը հայտնվել է կալանավայրում, հայտնվել է անազատության մեջ, շատ դեպքերում գուցե պատահական է հայտնվել, բայց որոշ դեպքերում այդտեղից դուրս է գալիս որպես պատրաստի հանցագործ: Դրա համար պետք է աշխատանք տարվի, նրանցից առանձնացնենք մարդկանց, ովքեր պատրաստ են աշխատել: Այս իրականացման մեխանիզմները պետք է գտնել»,- նշեց Հովհաննես Սահակյանը:
Մանրամասները՝ տեսանյութում: