Նախագիծը լավն է, գրագետ նախագիծ է, բայց կյանքի չի կոչվելու, դրվելու է դարակում: ԱԺ-ում այսօր «Զբաղվածության մասին» օրենքում փոփոխությունների քննարկման ժամանակ այս մասին ասաց ԲՀԿ խմբակցության ղեկավար Նաիրա Զոհրաբյանը: Նա իր ելույթում նշեց. «Մեր իրականությունն այլ է: Չնշվեց, թե ինչ միջոցներով է այն իրականացվելու, միգուցե հերթական եվրոպական գրա՞նտն է: Մեր երկրում գործազրկության մակարդակն այնպիսին է, որ մնացել էր կալանքից ազատվածների համար խնդիրը լուծեինք: Թեև Սահմանադրության մեջ նշված է, սակայն եկեք մի հատ էլ օրենքով ամրագրենք, որ բոլոր քաղաքացիները պիտի պարտադիր ապահովված լինի արժանապատիվ աշխատավարձով ու աշխատանքով, սակայն կյանքի կոչելու մեխանիզմները որքանո՞վ են իրատեսական»:
Նաիրա զոհրաբյանը բարձրացրեց նաև ՔԿՀ-ներում ինտերնետ-դասագրքերից օգտվելու հարցը. «Քանի որ ինտերնետ կապ չեք տալիս ՔԿՀ-երում՝ անվտանգության խնդիր կա, բոլոր ՔԿՀ-երի գրադարաններում այսօր նավթալին դասագրքեր են, ոչ մի ուսուցողական գիրք չկա: Իսկ պարապությունը հանցագործության դրդող ամենամոտիվացիաներից մեկն է: Եկեք այս և դատապարտյալներին առնչվող մյուս խնդիրները լուծենք. այսօր բժիշկը խուսափում է ՔԿՀ մտնել, քանի որ այդ նույն 70-80 հազար դրամով նա կարող է աշխատել մի պոլիկլինիկայում»:
Մանրամասները՝ տեսանյութում:
