Զբաղվածության մասին օրենքում լրացումներ կատարելու մասին օրինագծի քննարկման ժամանակ ՀՀ արդարադատության փոխնախարար Սուրեն Քրմոյանը հայտարարեց, որ Կառավարությունն առաջարկում է դատապարտյալների համար կրթական դասընթացներ անցկացնել՝ ազատ արձակվելուց դեռևս 6 ամիս առաջ:
Նա նշեց, որ օրենքի փոփոխությամբ առաջարկվում է քրեակատարողական հիմնարկներում գտնվող անձանց մասնագիտական ուսուցման իրավունքի ու դրա իրացման համար նոր մեխանիզմներ ամրագրել:
ՀՀԿ խմբակցության պատգամավոր Մարգարիտ Եսայանը, դիմելով Ս. Քրմոյանին նշեց. «Բազմաթիվ հասարակական կազմակերպություններ ՔԿՀ-ներում զբաղվում են մասնագիտությունների ուսուցմամբ: Այդ մասնագիտությունները որքանո՞վ են պահանջված լինելու այն ժամանակ, երբ դատապարտյալը կգտնվի ազատության մեջ: Ինչպե՞ս եք ընտրելու մասնագիտություններ: Թեպետ ինքս էլ կասկածներ ունեմ, որ մեզանում որևէ մասնագիտության պահանջարկ կա, քանի որ գիտենք, թե գործազրկության ինչ վիճակ է տիրում Հայաստանում»:
Մանրամասները՝ տեսանյութում: