«Որբաթ օրը ԱԺ Արտքին հարաբերությունների մշտական հանձնաժողովը քառօրյա օրակարգ ներառեց ԲՀԿ և «Ժառանգություն» խմբակցության պատգամավորների կողմից համատեղ մշակված հայտարարությունը Հյուսիսային Իրաքում Իսլամական պետություն ահաբեկչական խմբավորման կողմից եզդիների նկատմամբ իրականացված ցեղասպանական գործողություններին ՀՀ ԱԺ-ի կողմից գնահատական տալու վերաբերյալ»: Այս մասին ԱԺ այսօրվա նիստում նշեց ԱԺ ԲՀԿ խմբակցության պատգամավոր Նաիրա Զոհրաբյանը և ԱԺ նախագահ Գալուստ Սահակյանին հորդորեց հայտարարության տեքստը ԱԺ-ում քննարկել այսօր կամ վաղը:
ԱԺ նախագահը, արձագանքելով Ն. Զոհրաբյանի հորդորին, նշեց. «Ես ամեն ինչից տեղյակ եմ և ես ինքս եմ որոշում՝ որ օրինագիծը երբ դնել»:
Այնուհետև ԲՀԿ խմբակցության և ԱԺ նախագահի միջև փոխադարձ ռեպլիկներ հնչեցին՝ կապված «Նաիրիտ» գործարանի վերագործարկման խնդրի հետ:
Ինչ վերաբերում է «Նաիրիտ»-ի հետ կապված ձեր ներկայացրած նախագծին, ապա Կառավարությունը բացասական կարծիք է հայտնել»,- ասաց ԱԺ նախագահ Գալուստ Սահակյանը: Նաիրա Զոհրաբյանն արձագանքեց նրա ռեպլիկին՝ ասելով. «Նախարարի հետ խոսել եմ, ասել է, որ դրական է վերաբերվում, իսկ եթե հետո փոշմանել է, ապա այստեղ պրոբլեմը ԲՀԿ-ի մեջ չէ, այլ Կառավարությանն է՝ կո՞ղմ է, դե՞մ է, թե՞ ձեռնպահ»:
«Ես էլ եմ գտնում, որ խնդիրն իրենց մեջ կլինի. նրանց ուղարկած տեղեկությունն այնպիսին է, որը լիովին չի գնահատում աշխատանքը»,- արձագանքեց Գալուստ Սահակյանը:
Մանրամասները՝ տեսանյութում: