Daily Mail-ի փոխանցմամբ՝ համացանցի օգտատերը քննադատել են Ատլանտան (ԱՄՆ Ջորջիա նահանգ) ներկայացնող Ralo ռեպերին, ով քաղաքի փողոցներից մեկում կազմակերպել է փողային անձրև, ինչից հետո համապատասխան տեսանյութը հրապարակել է Instagram-ի իր էջում։
21-ամյա երաժիշտը հավաքվածների վրա շաղ է տվել 30.000 դոլարի թղթադրամներ, իսկ հետո նկարահանել է, թե ինչպես են մարդիկ միմյանց հրելով փորձում բռնել օդում գտնվող թղթադրամները։
Ralo-ի երկրպագուների մեծ մասը բացասաբար է արձագանքել նրա այդ ժեստին։ Երկրպագուներից մեկը վրդովմունք է հայտնել, որ ռեպերը փողերը շաղ տալուց հետո սկսել է նայել ու հիանալ նրանով, թե մարդիկ ինչպես են պայքարում փողերի համար։
Մեկ այլ երկրպագու նողկալի է համարել նման պահվածքը։ Այնուամենայնիվ, երկրպագուների մի մասը ողջունել է երգչի պահվածքը։ Տեսանյութը Ralo-ի էջում հայտնվել է հոկտեմբերի 20-ին և արդեն իսկ դիտվել է 103.000 անգամ։ Instagram-ում երգչի էջում հետևորդների թիվը հասնում է 196.000-ի։