Ադրբեջանական Turan լրատվական գործակալության փոխանցմամբ՝ 2016 թվականի հունվար-սեպտեմբեր ամիսներին Ադրբեջանի պետական նավթային հիմնադրամը «Բաքու-Թբիլիսի-Կարս» (ԲԹԿ) երկաթուղու նախագծի ֆինանսավորման համար հատկացրել է 31.5 միլիոն դոլար։
Այդ մասին նշված է հիմնադրամի կայքում։ Ընդգծվում է, որ նավթային հիմնադրամը 2008 թվականից նախագծի ֆինանսավորման համար արդեն իսկ հատկացրել է 619.8 միլիոն դոլար։
Ադրբեջանի ու Վրաստանի կառավարությունների միջև ստորագրված համաձայնագրի համաձայն՝ Ադրբեջանի Միջազգային բանկի միջոցները փոխանցվել են «Մարաբդա-Կարծախի եկաթուղի» ընկերությանը, որը ստեղծվել է Մարաբդայից դեպի Թուրքիա երկաթուղու ու համապատասխան ենթակառուցվածքների նախագծման, կառուցման, շահագործման համար։
Սրանից առաջ Ադրբեջանի նախագահ Իլհամ Ալիևը հայտարարել է, որ ԲԹԿ-ի բացումը տեղի կունենա մինչև տարեվերջ։ Բաքվից Թուրքիա մարդատար գնացքները կսկսեն երթևեկել միայն 2017 թվականի կեսին։