Spletnik.ru-ի փոխանցմամբ՝ Էմբեր Հերդից ամուսնալուծվելու գործընթացը Ջոնի Դեպին հարկադրել է թաքնվել հանրությունից։ Աղմուկից հոգնած դերասանը այժմ գործնականում դուրս չի գալիս փողոց (ի տարբերություն նախկին կնոջ) և խուսափում է հնչեղ միջոցառումներից։
Եվ այնուամենայնիվ, Դեպը չէր կարող խուսափել հոկտեմբերի 23-ին Լոս Անջելեսում անցկացված երեկույթին մասնակցելուց, քանի որ դրանում պատվել են նրա վաղեմի ընկեր, ամերիկացի դերասան և երգիչ, 90-ամյա Հարրի Դին Սթենթոնին։
Հարին ու Ջոնին միասին նկարահանվել են «Մարդը, որն արտասվել է» ֆիլմում, աշխատել են «Ռանգո» մուլտֆիլմի վրա և վաղուց ընկերական հարաբերությունների մեջ են։ Բնականաբար, Դեպը միջոցառմանը մասնակցել է Սթենթոնին աջակցելու նպատակով, ինչպես նաև այլ երաժիշտների հետ բեմ է բարձրացել մի քանի երգ կատարելու համար։
Ականատեսները վկայել են, որ դերասանի տրամադրությունը եղել է հիանալի, նա շատ է կատակել, հեշտորեն շփվել է երեկույթի հյուրերի հետ և սիրով լուսանկարվել է։