«Իրատես» թերթն այսօրվա իր համարում գրել էր, թե Ռազմական ոստիկանությունում սկսվել են կրճատումներ։ Հրապարակման համաձայն՝ «Ռազմական ոստիկանությունում, մի շնչով «հնձել» են շատերին, որից հետո, ում համար զանգահարել-բարեխոսել է պետական համակարգի որևէ ազդեցիկ չինովնիկ, կրկին վերականգնել են»։
Պաշտպանության նախարարի մամլո խոսնակ Արծրուն Հովհաննիսյանը մեզ հետ զրույցում նշեց, որ Ռազմական ոստիկանությունում արդեն 2-3 ամիս է կսկսել են կրճատումներ. «Եթե հիշում եք, պաշտպանության նախկին նախարարը խորհրդակցություն անցկացրեց ռազմական ոստիկանությունում։ Վերջին խորհրդակցությունից նաև հայտարարություն ենք տարածել, որտեղ նշել ենք, որ կրճատումների խնդիրն այն ժամանակվանից է սկսվել, դա նորություն չէ։ Կրճատումներ նախ իրականացվել են՝ տարիքային խնդրից ելնելով։ Տարիքը մոտ էր զորացրման, հետո նոր համապատասխան մասնագիտական ունակություններին ենք նայել․ այնպես որ այդ ինֆորմացիան չի համապատասխանում իրականությանը»,- ընդգծեց նա։
Հովհաննիսյանը հավելեց. «Հասկանալի է , որ կան մարդիկ, որոնք գուցե դժգոհ են մնացել և այդ տեսակետներն իրենք են հայտնում, բայց դրանք օբյեկտիվ չեն»։
