Կանայք ոգելից խմիչքների օգտագործմամբ գրեթե հասել են տղամարդկանց։ Նման եզրահանգման են եկել Նոր Հարավային Ուելսի համալսարանի գիտնականները, որոնք իրենց հետազոտութոյւնը հրապարակել են BMJ Open ամսագրում։ Ժամանակակից հասարակության մեջ փոխվում են տղամարդկանց ու կանանց սոցիալական դերերը եւ դրանց հետ միասին փոխվում են նաև սովորությունները:
100 տարի առաջ անցկացրած հետազոտությունների համաձայն՝ տղամարդիկ 2,2 անգամ շատ ալկոհոլ էին օգտագործում, քան կանայք։ Աշխատանքում գիտնականները վերլուծել են վերջին ժամանակներս գրված 68 հովածներ, որոնք նվիրված են 36 երկրներում ալկոհոլի կիրառմանը։ Վերլուծությունը ցույց է տվել, որ կանայք հասել են տղամարդկանց ինչպես ալկոհոլի օգտագործման մակարդակով, այնպես էլ դրա հետևանքով առաջացած խնդիրների քանակով։
Հետազոտության համաձայն, 20-րդ դարասկզբին տղամարդիկ կանանցից երկու անգամ (ավելի ճիշտ 2,2 անգամ) ավելի հաճախ Էին ալկոհոլ օգտագործում, կանանցից երեք անգամ ավելի հաճախ էին հարբեցողությամբ զբաղվում եւ, համապատասխանաբար, 3,6 անգամ ավելի հաճախ Էին վաստակում ալկոհոլի հետ կապված լուրջ հիվանդություններ, օրինակ՝ լյարդի ցիռոզ: 21-րդ դարի սկզբին տղամարդիկ միայն 1,1 անգամ են շատ խմում կանանցից։
Պատմականորեն ալկոհոլի օգտագործումը և դրա հետ կապված շեղումները համարվել են տղամարդկանց բնորոշ երևույթներ։ Սակայն նոր հետազոտությունները ցույց են տալիս, որ այդ մոտեցումը սխալ է՝ համոզված են հոդվածի հեղինակները։
