Այսօր՝ հոկտեմբերի 25-ին, Երևանի Կենտրոն և Նորք-Մարաշ վարչական շրջանների ընդհանուր իրավասության դատարանում ոստիկանի նկատմամբ բռնություն գործադրելու մեջ մեղադրվող` «Հիմնադիր խորհրդարանի» անդամ Գևորգ Սաֆարյանի փաստաբան Տիգրան Հայրապետյանը՝ լրագրողների հետ զրույցում նշեց, որ Գևորգ Սաֆարյանի խոսքով՝ նախաքննությունն անցել է կոպիտ խախտումներով:
Գևորգ Սաֆարյանի գործով վկաներից 6-ը կալանավորված են, նրանցից 4-ը՝ «Սասնա ծռերի» անդամ:
Դատարանը որոշում կայացրեց հետաձգել նիստը՝ հաջորդ նիստին մյուս վկաների ներկայությունը ապահովելու համար: Հաջորդ դատական նիստը տեղի կունենա նոյեմբերի 10-ին:
Հիշեցնենք՝ Գևորգ Սաֆարյանին մեղադրանք է առաջադրվել Քրեական օրենսգրքի 316-րդ հոդվածի 1-ին մասով:
Մանրամասները՝ տեսանյութում:
