Անդրադառնալով ՀԱԿ խմբակցության ղեկավար Լևոն Զուրաբյանի հայտարարությանն այն մասին, որ ՀԱԿ-ը պատրաստվում է միավորվել ընդդիմադիր ուժերի հետ և 2017-ին իշխանափոխություն իրականացնել, ԱԺ փոխխոսնակ Էդուարդ Շարմազանովը լրագրողների հետ զրույցում նշեց. «Հայտարարություններ անող ուժերին կխնդրեի, որ նախևառաջ իրենք իրենց մեջ տեսնեն խնդիրը։ ՏԻՄ ընտրություններին մենք տեսանք, որ ընդդիմության մի լուրջ ընտրազանգված ձայն չտվեց իշխանությանը, բայց նաև ձայն չտվեց ձեր նշած ուժերին (ՀԱԿ-ին)։ Թող իրենց մեջ խնդիրները տեսնեն, նոր գան հայտարարություններ անեն: Միգուցե նրանք հոգևարքի, ֆիասկոյի մեջ են»,- նշեց ՀՀ ԱԺ փոխնախագահ Էդուարդ Շարմազանովը։
Շարմազանովի դիտարկմամբ՝ այսօր ՀԱԿ-ը ճգնաժամի մեջ է։ «Մի քաղքական ուժ, որը մասնակցում է ընտրություններին և երկու տեղում էլ անհաջողության է մատնվում, բնականաբար խնդիրներ ունի »։
Է. Շարմազանովի խոսքով՝ միանում են այն քաղաքական ուժին, որն ամենաազդեցիկն է, իսկ Գյումրիի և Վանաձորի ընտրություններին ՀԱԿ-ի մասնակցությունը ցույց տվեց, որ այն ընդդիմության ամենաազդեցիկ ուժը չէ։
Միանում են նրան, ով որ ամենաազդեցիկն է: ՏԻՄ ընտրությունները ցույց տվեցին, որ և′ իշխանական, և′ ընդդիմադիր դաշտում միավորվում են ամենաազդեցիկի շուրջ. նման տեսակետ արտահայտեց ԱԺ փոխխոսնակը. «Ոչ Համախմբումը, ոչ ՀԱԿ-ը, այս պահին ընդդիմության ամենաազդեցիկը ուժը չեն: Վաղը կլինեն, թե չեն լինի, չգիտեմ»:
Շարմազանովը մշուշոտ է համարում, որ ընդդիմադիր բոլոր ուժերը կարող են միավորվել: «Այսօր ընդդիմադիր ուժերից գոե մեկը հայտարարել է, որ չի պատրաստվում միավորվել ՀԱԿ-ի հետ: Ընդդիմադիր ուժերը չպետք է միավորվեն` ում պրիչոսկեն, ում դուրն եկավ, ովա լավը…. պետք է գաղափարի շուրջը համախմբվել: Ո՞րն է այդ գաղափարը»,- նշեց Շարմազանովը՝ հավելելով, որ իշխանափոխությունը չի կարող ոչ գաղափար լինել, ոչ էլ նպատակ:
Մանրամասները՝ տեսանյութում:
