«Մեդիա կենտրոն»-ում այսօր հրավիրված քննարկման մասնակիցներն անդրադարձան հարցին՝ գործնակա՞ն, թե՞ դեկլարատիվ են կառավարության ծրագրում ներկայացված քայլերը։
Տնտեսագետ Աշոտ Խուրշուդյանի դիտարկմամբ՝ դեկլարատիվ-հստակ քայլեր են, և խնդիրները հստակ ձևակերպված են: Նրա կարծիքով՝ այս կառավարության հետ մեծ հույսեր են կապվել. «Մարդիկ նույնիսկ անձնական նամակներ են գրում վարչապետին։ Հասարակությունում էական արձագանք տվեցին այն կադրային փոփոխությունները, որ տեղի ունեցան»։ Այս կառավարությունը տնտեսագետին ճգնաժամային կառավարություն է հիշեցնում։
«ՓՄՁ աջակցություն ասոցիացիա» ՀԿ-ի ղեկավար Հակոբ Ավագյանը կառավարության ծրագիրը համարում է «ծրագիր՝ ծրագրի համար». կոնկրետ քայլերի պակաս կա. «Չենք տեսնում կոնկրետ քայլեր՝ ուղղված արտադրողին, որ ինչ ենք անելու, որ նրա կյանքը հեշտանա»։ Նա անընդունելի է համարում վարչապետ Կարեն Կարապետյանի խոսքն այն մասին, որ հարկային-մաքսային ոլորտներում չարաշահումների ականատես լինելու պարագայում կարող են զանգահարել իրեն: Ըստ Հակոբ Ավագյանի՝ կարճ ժամկետում հաջողություն գրանցելու համար կառավարությունը պետք է գնա «կադրային ջարդի». «Այն մաքսավորը, որը սովոր է այն կյանքին, որով ինքն ապրում է, ինքը չի կարող վաղվանից փոխվել և դառնալ ուրիշ մաքսավոր»։
Մանրամասները՝ տեսանյութում: