Ռուսական RIA Novosti լրատվական գործակալության փոխանցմամբ՝ «Գազպրոմի» ղեկավար Ալեքսեյ Միլլերը Ռուսաստանի նախագահ Վլադիմիր Պուտինի հետ հանդիպման ժամանակ հայտարարել է, որ կարելի է վստահորեն ասել, որ «Թուրքական հոսք» գազատարի երկու ճյուղերը շահագործման կհանձնվեն սահմանված ժամկետում՝ մինչև 2019 թվականի ավարտը։
Միլլերն ընդգծել է, որ «Գազպրոմը» արդեն իսկ ստացել է Սև ծովում՝ Թուրքիայի բացառիկ տնտեսական գոտում հետազոտություններ կատարելու թույլտվություն.
«Այդ ամենը մեզ հնարավորություն է տալիս վստահորեն ասելու, որ երկու խողովակաշարն էլ կկառուցվի մինչև 2019 թվականը։ Խողովակաշարերից մեկը (յուրաքանչյուրի հզորությունը կազմելու է 15.75 միլիարդ խորանարդ մետր) նախատեսված է թուրքական շուկայի համար, իսկ երկրորդ խողովակաշարը, ինչպես հայտնի է, եվրոպացի սպառողներին գազ մատակարարելու համար։
Հետևաբար նախատեսվում է ստեղծել Թուրքիայի տարաշքով դեպի եվրոպական երկրներ տարանցիկ ենթակառուցվածքներ։ «Գազպրոմը» Ռուսաստանի տարածքում արդեն իսկ ստեղծել է անհրաժեշտ բոլոր գազատրանսպորտային ենթակառուցվածքները»։
Ռուսաստանն ու Թուրքիան «Թուրքական հոսք» գազատարի կառուցման վերաբերյալ միջկառավարական համաձայնագիրը ստորագրել են 2016 թվականի հոկտեմբերի 10-ին։
