Ավան և Նոր Նորք վարչական շրջանների ընդհանուր իրավասության դատարանը կուրսանտի սպանության գործով նիստը դարձյալ հետաձգեց՝ այս անգամ ամբաստանյալ Գնել Թևոսյանի փաստաբան Արա Զաքարյանի բացակայության պատճառով:
Դատարանը որևէ տեղեկություն չուներ պաշտպանի բացակայության պատճառների վերաբերյալ: Փաստաբանի հետ կապվելու փորձերը անհաջող անցան: Դատարանը արձանագրեց, որ փաստաբան Արա Զաքարյանի վարքագիծը անհարգալից վերաբերմունք է դատարանի նկատմամբ, հաջորդ դատական նիստին նրա բացատրությունը լսելուց հետո հնարավոր է նրա նկատմամբ կիրառվի դատական սանկցիա:
Դատական նիստի հետաձգումից հետո վատացել է ամբաստանյալ Գնել Թևոսյանի ինքնազգացողությունը: Այս պահին շտապօգնությունը ժամանել է և նրան ցուցաբերում է առաջին օգնություն: