ԱԺ-ում այսօր ՀԱԿ խմբակցության պատգամավոր Նիկոլ Փաշինյանն անդրադարձավ մամուլում հնչած երկու ահազանգերի:
«Առաջին՝ ԼՂՀ ԱԺ նախկին պատգամավոր, ազատամարտիկ Վահան Բադասյանի՝ ՀՀ ԶՈւ Գլխավոր շտաբի պետ Մովսես Հակոբյանի մասին մամուլով արված հայտարարությունն է, մեղադրանքներ է ներկայացրել բանակի մատակարարման ոլորտում կոռուպցիոն ներգրավվածության մասին, մասնավորապես ալյուրի, հացի, հացահատիկի մասին:
Ըստ Վահան Բադասյանի՝ պարոն Հակոբյանը կոռուպցիոն չարաշահումներ է թույլ տվել: Կարծում եմ՝ Կառավարությունը հատուկ ուշադրություն պետք է դարձնի այս խնդրին, և ԱԺ-ում հանդես գա հատուկ պարզաբանմամբ»:
Փաշինյանը նկատեց, որ ՊՆ մամուլի խոսնակը այս խնդրի կապակցությամբ պարզաբանում տվել է, բայց, միևնույն է, ազատամարտիկ Վահան Բադասյանը շարունակում է իր պնդում իր հայտրարությունը:
Երկրորդ հայտարարությունը, ըստ Նիկոլ Փաշինյանի, «Արազգ» ՍՊԸ տնօրեն Արարատ Թումանյանի ահազանգն է, ըստ որի, իրեն արգելել են Հայաստան ներկրել մոտ 100 տոննա դիզելային վառելիք. «Իր պատմելով՝ ՀՀ ներկրվող դիզելային վառելիքի չափանիշները փոխվել են էնպես, որ փաստացի ստացվում է, որ Հայաստան կարող է ներկրվել միայն ՌԴ-ում արտադրված դիզելային վառելիք: Եթե սա համապատասխանում է իրականությանը, ստացվում է, որ կառավարությունը, որոշակի սահմանափակումներ դնելով, դիզելային վառելիքի շուկայում մենաշնորհ է սահմանել ռուսական «Ռոսնեֆտ» ընկերության համար, ինչը և տրամաբանությունից է դուրս և հակասում է վարչապետի վերջին օրերին արած հայտարարություններին»:
Նիկոլ Փաշինյանը կարծում է, որ պետք է այս հայտարարությունները քննարկման առարկա պետք է դարձնել և ԱԺ-ում այս թեմայով պարզաբանումներ լսել:
Մանրամասները՝ տեսանյութում:
