«Լայն սպառման ապրանքների մենաշնորհները դարձել են Հայաստանում ամենամեծ կոռուպցիոն չարիքը… Հիմա նոր վարչապետը հայտարարում է, որ բոլորը կարող են զբաղվել ներկրմամբ՝ առանց խոչընդոտի, իսկ եթե խոչընդոտների հանդիպեն, առաջարկել է Պետրոս Ղազարյանին՝ իրեն զանգահարել և հայտնել այդ մասին: Կարծում եմ՝ աա հարցի լուծման մեխանիզմ չէ: Առաջարկում եմ հրավիրել ԱԺ լսումներ, այս հարցերը դարձնենք լուրջ քննարկման առարկա սա, շատ կարևոր է, որ թափանցիկ քննարկվեն այս հարցերը, ու հասկանանք՝ ինչ է կատարվում մենաշնորհների ոլորտում, ինչ անել, որ վերացվեն այդ ապօրինի մենաշնորհները: Սա հասարակությանը հուզող ամենակարևոր հարցերից մեկն է, եթե ոչ ամենակարևորը»,- այսօր ԱԺ նիստում ասաց ՀԱԿ խմբակցության ղեկավար Լևոն Զուրաբյանը՝ դիմելով ԱԺ նախագահ Գալուստ Սահակյանին:
Գալուստ Սահակյանը ի պատասխան նշեց, որ իհարկե, միշտ էլ հնարավոր է լսումներ հրավիրել, և հորդորեց մի քիչ էլ սպասել և հասկանալ, թե ինչ քայլեր է ձեռնարկում կառավարությունը:
Մանրամասները՝ տեսանյութում: