20 տարվա պատմություն, որի արդյունքում Ինեկոբանկն ունի 300 հազարից ավելի հաճախորդներ։ Տարիների ընթացքում իր հաճախորդներին արդեն քաջ հայտնի բազմաբնույթ մի շարք ծառայությունների թվում Ինեկոբանկն արդեն ներկայացնում է նաև իր նոր պրոդուկտը՝ IncoOne համակարգը։
Սա անձնական ֆինանսների կառավարման համակարգ է, որն իր մեջ ներառում է միջոցների կառավարման համար անհրաժեշտ բոլոր գործիքները։ InecoOne համակարգում ընդգրկված է այն ամբողջ գործիքակազմը, որը մարդուն անհրաժեշտ է ցանկացած ուղղություններով իր ամենօրյա ծախսերը իրականացնելու համար՝ կոմունալ վճարումներ, քարտով վճարումներ, online գնումներ, վարկերի մարումներ։
InecoOne-ի մեջ ներառված են
- Հաշիվներ 4 արժույթով ( ՀՀ դրամ, ԱՄՆ դոլար, ՌԴ ռուբլի, Եվրո )
- Խնայողական հաշիվներ 4 արժույթով (ՀՀ դրամ, ԱՄՆ դոլար, ՌԴ ռուբլի, Եվրո )
- Մեկ վճարային քարտ՝ ՀՀ դրամ արժույթով
- InecoOnline և InecoMobile էլեկտրոնային համակարգեր
- Արտոնյալ պայմաններով օվերդրաֆտ ստանալու հնարավորություն
- Քարտային հաշվին կից անվճար քարտ ստանալու հնարավորություն
- Բանկային հաշիվների վերաբերյալ անվճար տեղեկանք ստանալու հնարավորություն
Այս ամենից զատ այն մի շարք հատկանիշներով տարբերվում է այսօր շուկայում առկա մի շարք նման լուծումներից։
«Առաջինը՝ սեփական գումարների հասանելիությունն է` այնպես, ինչպես սեփական դրամապանակում՝ շաբաթվա ցանկացած օր և 24 ժամվա ռեժիմով` առանց կորուստների։ InecoOne-ի շրջանակներում սեփական միջոցների կանխիկացումն անվճար է Հայաստանում ArCa համակարգի անդամ հանդիսացող բոլոր բանկերի բանկոմատներում, իսկ դրանք այսօր 900-ից ավել են։
Երկրորդը՝ InecoOne-ը իր մեջ ներառում է Online և Mobile լուծումներ, որոնք հնարավորություն են տալիս անհրաժեշտ ամենօրյա բոլոր գործարքները կատարել անկանխիկ։ »,- նոր պրոդուկտիշնորհանդեսին «Առաջին լրատվական»-ի հետ զրույցում տեղեկացրեց Ինեկոբանկի բրենդի զարգացման ծառայության ղեկավար Լևոն Ռուբինյանը։
Հաճախորդի ո՞ր պահանջներն է այսօր այս համակարգը բավարարում և ի՞նչ խնդիրներ է այն լուծում հարցին Լևոն Ռուբինյանը ի պատասխան նշեց․
«Հաճախորդներն այսօր ունեն շատ քիչ ժամանակ ամենօրյա գործառնությունները կատարելու համար և այս ամբողջ գործիքակազմն իրենց հնարավորություն է տալիս շատ արագ իրենց խնդիրները լուծել։
InecoOne-ը առանձնանում է պայմանների պարզությամբ և հասանելիությամբ, այսինքն հաճախորդի համար չկան ոչ մի խճճող պայմաններ, չկան անհասկանալի վճարներ, այլ կա ընդամենը մեկ պարզ սակագին՝ հաճախորդը գիտի ինչի համար է վճարում բանկին, և անհրաժեշտություն չկա հասկանալու տարատեսակ պայմաններ և հաճախորդին խճճող վճարներ։
Շատ կարևոր հանգամանք է նաև այն, որ բոլոր այդ ծառայությունները հաճախորդին հասանելի են իրեն հարմար միջոցներով»։
Հաճախորդի համար խոչընդոտ չէ նաև այլ բանկի հաճախորդ հանդիսանալու հանգամանքը, InecoOne-ի շրջանակներում կարգավորվել է նաև այդ խնդիրը։
«Հաճախորդ դառնալու համար անհրաժեշտ չէ գալ բանկ, այլ այդ ամբողջ գործընթացը հնարավոր է իրականցնել օնլայն, պարզապես այցելելով www.inecoօne.am կայք, գրանցվել օնլայն և InecoOne ծառայությունն արդեն պատրաստ կլինի օգտագործման համար։ Մի շարք ծառայություններ, մասնավորապես՝ կոմունալ վճարումներ, պետական տուրքեր, ֆիզիկական անձանց միջև փոխանցումները կլինեն հասանելի»,-շեշտեց Լևոն Ռուբինյանն ու միևնույն ժամանակ հավելեց․
«InecoOne համակարգը մարդուն իր միջոցների հասանելիության առումով տալիս է հանգստություն։ Հաճախորդը պետք է հասկանա, որ բանկում իր միջոցներն անվտանգ են, բայց բացի անվտանգ լինելուց նաև հասանելի են ցանկացած ժամի, ցանկացած վայրում և իր անձնական ֆինանսների հետ կապված բոլոր խնդիրները հնարավոր է լուծել մասնավորապես այս համակարգի միջոցով»։
Նշենք նաև, որ InecoOne-ի համար գործում է մեկ պարզ սակագին՝ ամսական 500 ՀՀ դրամ։