Լիբիայի տապալված, հանգուցյալ առաջնորդ Մուամար Քադաֆիի հորեղբոր տղան՝ Ահմեդ Քադաֆի ադ-Դամը, RT-ի հետ հարցազրույցում պատմել է արևմտյան երկրների՝ Լիբիա ներխուժման պատճառների մասին։
Նրա խոսքով՝ պատճառներից մեկն է դարձել միասնական աֆրիկյան արժույթ ստեղծելու և մայրցամաքը միավորելով՝ ինքնատիպ «Աֆրիկայի միացյալ նահանգներ» ձևավորելու լիբիացի առաջնորդի փորձը։
«Արևմուտքում կարծել են, որ նման կառավարությունը կփակի հասանելիությունն աֆրիկյան հարստությանը, ինչը չի բխում արևմտյան երկրների շահերից։ Նրանք, ի դեմս Մուամար Քադաֆիի, տեսել են սպառնալիք»,-ասել է Քադաֆի ադ-Դամը։
«Մենք Լիբիայում տեղի ունեցածի ողջ պատասխանատվությունը դնում ենք արևմտյան պետությունների վրա»,-ընդգծել է նա։
Նա նշել է, որ արևմտյան առաջնորդներն անվանել են Լիբիայում ռեժիմի տապալումը իրենց մեծագույն սխալ։ Նա նաև պահանջել է ՄԱԿ-ի մակարդակով 2011 թվականի դեպքերի հետաքննություն անցկացնել։
