Ֆրանսիայում ներգաղթյալների Կալե ճամբարից Մեծ Բրիտանիա է ժամանել փախստական երեխաների առաջին խումբը՝ առանց մեծահասակների ուղեկցության։ Այս մասին հայտնում է BBC-ն։
Նշվում է, որ համաձայն միգրացիոն օրենքում ընդունված ուղղման՝ Մեծ Բրիտանիան պետք է ընդունի երեխաներին, ովքեր պաշտպանության կարիք ունեն։ Խոսքը մինչև 13 տարեկան երեխաների մասին է։
Ընդհանուր առմամբ Լոնդոն է ժամանել 70 երեխա։ Բրիտանական ԶԼՄ-ների տվյալներով՝ ժամանած երեխաների թվում եղել են այնպիսիք, կարծես նրանց տարիքը բարձր է եղել 18-ից։
«Քանի որ երկուշաբթի ճամբարը փակվում է, մենք խորապես անհանգստացած ենք, որ երեխաները կարող են սկսել անհետանալ, և մենք կոչ ենք անում կառավարությանը կրկնապատկել ջանքերը Կալեից տեղափոխելու բոլոր այն երեխաներին, ովքեր գտնվում են այդ կատեգորիայում, ինչպես նաև ապահովել մյուսների համար հուսալի պաշտպանություն»,-ասել է փախստական երեխաների պաշտանության Safe Passage UK խմբի ներկայացուցիչ, եպիսկոպոս Կրոյդոն Ջոնաթան Կլարկը։
