Իրաքը մտադիր չէ նվազեցնել նավթի արդյունահանման՝ ձեռք բերված մակարդակը, որը կազմում է օրական 4.7 մլն բարել։ Այս մասին հայտարարել է Իրաքի պետական State Oil Marketing Organization (SOMO) նավթային ընկերության ղեկավար Ֆալահա ալ-Ամրին՝ փոխանցում է Bloomberg գործակալությունը։
«Մենք անցել ենք օրական 4.7 մլն բարելի նշագիծը։ Մենք չենք պատրաստվում հետ դառնալ։ Դա ինքնիշխանության հարց է»,-ասել է ալ-Ամրին Բաղդադում մամլո ասուլիսի ժամանակ։
Իրաքի նավթաարդյունահանման հարցերով նախարար Ջաբար ալ-Լյաիբին ընդգծել է, որ Իրաքը, ինչպես նաև Նիգերիան ու Իրանը պետք է բացառվեն երկրների թվից, որոնք պետք է կրճատեն նավթի արդյունահանումը, քանի որ նրանք պայքարում են ԴԱԻՇ ահաբեկչական կազմակերպության դեմ։
Իրաքի իշխանությունների տվյալներով՝ Բաղդադի դաշնային կառավարության կողմից վերահսկվող տարածքներում նավթի արդյունահանումը սեպտեմբերին հասել է օրական 4,228 մլն բարելի, իսկ տարածքում, որը գտնվում է քրդերի վերահսկողության տակ, օրական 546 մլն բարելի։ Սեպտեմբերին արտահանման ընդհանուր ծավալը կազմել է օրական 3,871 մլն բարել։
