ԱՄՆ կոալիցիան հայտարարել է, որ չի հարվածել Իրաքի Դաքուք քաղաքի խաղաղ բնակիչների ուղղությամբ: Այս մասին RIA Novosti-ին ասել է «Անսասան վճռականություն» գործողության ներկայացուցիչը:
«Մենք չենք կարող քաղաքացիական բնակչության շրջանում ենթադրյալ զոհերը կապել տվյալ տարածքում կոալիցիայի որևէ հարվածի հետ»,- ասել է կոալիցիայի ներկայացուցիչը: Նրա խոսքով՝ կոալիցիան հետևում է արձանագրություններին, որոնք կոչված են նվազագույնի հասցնելու այդպիսի կորուստները և ջանքեր է գործադրում այդ ուղղությամբ:
Նա նշել է, որ իրենք բոլոր դեպքերը հնարավորինս մանրամասն գնահատում են:
Ավելի վաղ ՌԴ պաշտպանության նախարարության պաշտոնական ներկայացուցիչ Իգոր Կոնաշենկովը հայտարարել էր, որ կոալիցիան ավիահարված է հասցրել Իրաքի Դաքուք քաղաքի խաղաղ բնակիչների ուղղությամբ՝ սգո թափորը շփոթելով գրոհայինների խմբի հետ, որ հարվածի հետևանքով տասնյակ խաղաղ իրաքցիներ են զոհվել:
