ԱՄՆ նախագահի դեմոկրատ թեկնածու Հիլարի Քլինթոնը նախկինի պես վարկանիշով առաջ է իր հանրապետական մրցակցից՝ Դոնալդ Թրամփից, սակայն վերջինիս հաջողվել է փոքր-ինչ կրճատել տարբերությունը։ Այս մասին են վկայում նոր համազգային հարցման արդյունքները, որն անցկացրել է Ipsos միջազգային սոցիոլոգիական կենտրոնը Reuters գործակալության հետ համատեղ։
Համաձայն հարցման տվյալների, որոնք հավաքվել են հոկտեմբերի 14-20-ը, Քլինթոնի օգտին պատրաստ է քվեարկել հարցվածների 44 տոկոսը, Թրամփին պատրաստ է աջակցել 40 տոկոսը։
Այսպիսով՝ նախկին պետքարտուղարը միլիարդատիրոջից առաջ է 4 տոկոսով։ Անցած շաբաթ թեկնածուների միջև տարբերությունը կազմել է 7 տոկոս՝ հօգուտ դեմոկրատ թեկնածուի (44 տոկոսն ընդդեմ 37-ի)։