Ռուսական TASS լրատվական գործակալության փոխանցմամբ՝ ԵՄ-ի անդամ երկրների ղեկավարները տապալել են ԵՄ-ի գագաթնաժողովի երկրորդ օրը՝ կապված ԵՄ-ի ու Կանադայի միջև Ազատ առևտրի գոտու վերաբերյալ համաձայնագրի (Comprehensive Economic and Trade Agreement, СЕТА) հասնելու հետ։
ԵՄ-ի առաջնորդները հույս են հայտնել, որ գործարքն ամեն դեպքում կկնքվի առաջիկա օրերին։ Եվրոպական խորհրդի ղեկավար Դոնալդ Տուսկը Բրյուսելում անցկացված ամփոփիչ մամուլի ասուլիսի ժամանակ հայտարարել է, որ բանակցությունների տապալումից տուժել է ԵՄ-ի հեղինակությունը։
Տուսկի կարծիքով՝ բանակցությունների տապալումը առաջացնում է ԵՄ-ի ղեկավարության հանդեպ նրա քաղաքացիների անվստահությունը. «Մեր քաղաքացիները մտահոգ են, որ առևտրային համաձայնագիրը չի բխում իրենց շահերից։
Մենք չենք կարող շարունակել բանակցությունները, եթե չկարողանանք ապացուցել, որ մենք լրջորեն պաշտպանում ենք մեր սպառողների շահերը»։
ԵՄ-ի ու Կանադայի միջև առևտրային համաձայնագիրը (СЕТА) պետք է դառնա ԵՄ-ի ու ԱՄՆ-ի միջև ազատ առևտրի մասին պայմանավորվածությունների (TTIP) նախատիպը, որոնց վերաբերյալ բանակցությունները փաստացիորեն դադարեցվել են սեպտեմբերին։