Ռուսական RIA Novosti լրատվական գործակալության փոխանցմամբ՝ Կահիրեն հերքել է Լեհաստանի պաշտպանության նախարար Անտոնի Մաչերևիչի հայտարարությունն այն մասին, որ Եգիպտոսն իբրև թե խորհրդանշական 1 դոլարով Ռուսաստանին է վաճառել «Միստրալ» տիպի ուղղաթիռակիրները։
Այդ մասին հայտարարել է Մոսկվայում Եգիպտոսի դեսպանատան մամլո քարտուղար Այման Մուսան. «Եգիպտոսի բոլոր պաշտոնատար անձինք հայտարարել են, որ երկիրը շահագրգռված է նրանում, որպեսզի Ռուսաստանից ստանա «Միստրալ» նավերի համար սպառազինություն։
Եվ ահա այդ ֆոնին տեղեկատվություն է հայտնվում, թե Եգիպտոսը «Միստրալ» նավերը վաճառում է 1 դոլարով։ Ինչո՞ւ»։ ՌԴ ՊՆ-ի պաշտոնական ներկայացուցիչ Իգոր Կոնաշենկովը նույնպես հերքել է Լեհաստանի պաշտպանության նախարարի այդ հայտարարությունը։