Թուրքական Anadolu լրատվական գործակալության փոխանցմամբ՝ Թուրքիայի պաշտպանության նախարար Ֆիքրի Ըշըքը հայտարարել է, որ Թուրքիան ձեռնարկում է ԴԱԻՇ-ից իրաքյան Մոսուլի ողջ տարածքն ազատագրելու ուղղությամբ անհրաժեշտ քայլեր։
Նրա խոսքերով՝ Թուրքիան արդեն իսկ հյուրընկալել է 3 միլիոն փախստականի և մտադիր չէ բախվել հարակից երկրների բնակիչների նոր ներհոսքին. «Փախստականների նոր հոսքը կանդրադառնա ոչ միայն Թուրքիայի, այլև՝ Եվրոպայի վրա»։
Խոսելով Սիրիայի մասին՝ Ըշըքն ընդգծել է, որ Ռաքքայի ազատագրման նախապատրաստությունը շարունակվում է, և որ Թուրքիան ձգտում է ապահովել Սիրիայի հետ ողջ սահմանի անվտանգությունը.
«Հարակից երկրներում Թուրքիայի բոլոր գործողությունները հենված են միջազգային իրավունքի նորմերի, այդ թվում նաև պետության ինքնապաշտպանության իրավունքի վրա»։