Defense News-ի փոխանցմամբ՝ ամերիկյան B61 տակտիկական միջուկային ռումբերի արդիականացման ծախսերի ընդհանուր ծավալը գերազանցել է 9.5 միլիարդ դոլարը։
Այդ մասին հայտնել է Միջուկային անվտանգության ազգային գործակալությունը։ Նախատեսվում է, որ հիմնական ծախսերը կազմելու են 7.6 միլիարդ դոլար, արտադրական հզորությունների նախապատրաստության համար կպահանջվի ևս 648 միլիոն դոլար։
Բացի այդ, մոտ 1.3 միլիարդ դոլար կծախսվի կառավարվող ղեկերի կոմպլեկտների թողարկման վրա։ Նախատեսվում է B61 միջուկային ավիառումբերը փոխարինել B61-12-ով։