Ադրբեջանական Turan լրատվական գործակալության փոխանցմամբ՝ Բաքվի ծանր հանցանքները քննող դատարանում այսօր վերջին խոսքով հանդես է եկել NİDA շարժման ակտիվիստ Գիյաս Իբրահիմովի գործով դատախազը։
Նա առաջարկել է Իբրահիմովին մեղավոր ճանաչել խոշոր չափի թմրանյութերի ապօրինի շրջանառման մեջ և նրան դատապարտել մինչև 9 տարվա ազատազրկման։
Հոկտեմբերի 25-ին եզրափակիչ խոսքով հանդես է գալու Իբրահիմովի փաստաբանը։ Գիյաս Իբրահիմովն ու Բայրամ Մամեդովը մայիսի 10-ին կալանավորվել են թմրանյութերի ապօրինի շրջանառության մեղադրանքով։
Սակայն նրանց կալանավորման իրական պատճառը Հեյդար Ալիևի հուշարձանի պղծումն է։ Նրանք հուշարձանի պատվանդանին գրել էին. «Շնորհավորում ենք ստրուկների տոնի կապակցությամբ» և «Կորչի համակարգը»։