Ադրբեջանական APA լրատվական գործակալության փոխանցմամբ՝ Ադրբեջանում ԱՄՆ դեսպան Ռոբերտ Սեկուտան հայտարարել է, որ ԱՄՆ-ի դիրքորոշումը Ղարաբաղյան հակամարտության կարգավորման վերաբերյալ մնում է անփոփոխ.
«ԱՄՆ-ը, աշխատելով համանախագահների, Հայաստանի ու Ադրբեջանի հետ, ջանքեր է գործադրում տևական ժամանակ ձգձգվող հակամարտության կարգավորման վերաբերյալ։
Որպես այդ ջանքերի ցուցիչ՝ ամերիկացի համանախագահ Ուորլիքը, այդ թվում նաև մյուս միջնորդները վաղը կժամանեն Ադրբեջան։ Այցի նպատակը հակամարտության կարգավորմանն աջակցելն է։
Վերջին օրերին Ադրբեջանի նախագահը հանդես է եկել Ղարաբաղյան հակամարտության կարգավորման հարցում Ադրբեջանի վճռականության վերաբերյալ հայտարարություններով։
Ես այդ հայտարարությունների մասին իրազեկել եմ պաշտոնական Վաշինգտոնին»։