The Hill-ի փոխանցմամբ՝ WikiLeaks-ն առաջին անգամ համացանցում տեղադրել է ԱՄՆ նախագահ Բարաք Օբամայի ստացած և ուղարկած էլեկտրոնային հաղորդագրությունները։
Ընդգծվում է, որ հաղորդագրություններն ուղարկվել են 2008 թվականի հոկտեմբերին՝ ԱՄՆ նախագահական առաջին ընտրություններում Օբամայի հաղթանակից անմիջապես առաջ։
Օբամայի հաղորդագրությունների ուղարկողն ու ստացողը եղել է Դեմոկրատական կուսակցությունից ԱՄՆ նախագահի ներկայիս թեկնածու Հիլարի Քլինթոնի նախընտրական շտաբի ղեկավար Ջոն Պոդեստան։
Նամակներում նշված է, որ Օբաման օգտվել է [email protected] էլեկտրոնային հասցեից, ինչը մինչ այս մնում էր անհայտ։ Նամակագրությունում Օբաման ու Պոդեստան քննարկում են նրա հնարավոր նախագահությունը, ինչպես նաև ԱՄՆ նախագահ ընտրվելու դեպքում G20-ի գագաթնաժողովին նրա հնարավոր մասնակցությունը։
Հաղորդագրությունների մեծ մասը գրվել է Պոդեստայի կողմից, Օբամայի մասնակցությունը նամակագրությանը նվազագույն է։ Ավելի վաղ հաղորդվել էր, որ WikiLeaks-ը համացանցում տեղադրել է Քլինթոնի շտաբի ղեկավարի նամակագրության 13-րդ մասը։