Sputnik լրատվական գործակալության փոխանցմամբ՝ Վրաստանի նախկին նախագահ Միխեիլ Սաակաշվիլին երկրի իշխանություններին մեղադրել է հոկտեմբերի 8-ի խորհրդարրանական ընտրությունների արդյունքները կեղծելու համար։
Սաակաշվիլին Facebook-ի իր էջում գրել է. «Իմ դիրքորոշումը մշտապես հստակ է եղել. նախ մենք պատրաստվում էինք հաղթել առաջին փուլում, և դրանից հետո ես պատրաստվում է գալ երկրորդ փուլին և մասնակցել ընտրությունների պաշտպանությունը։
Սակայն տեղի ունեցավ այն, ինչ տեղի ունեցավ. առաջին փուլի կեղծում և աննախադեպ մասշտաբի մանիպուլյացիա»։ Սաակաշվիլին այդպես է մեկնաբանել քննադատություններն այն մասին, որոնք առնչվում են հայրենիք վերադառնալու մասին նրա հայտարարություններին։
Հետագայում՝ ընտրությունների օրը, Սաակաշվիլին հայտարարել է, որ չի ծրագրում վերադառնալ Վրաստան՝ անկախ քվեարկության արդյունքներից։
Սաակաշվիլին ընդգծել է, որ նախընտրական ելույթներում երբևէ չի հայտարարել, որ Վրաստան կժամանի մինչև ընտրությունների առաջին փուլի ավարտը։
Վրաստանում խորհրդարանական ընտրությունների երկրորդ փուլն անցկացվելու է հոկտեմբերի 30-ին։