«Այն, ինչ արվում է, գուցեև դրական է, բայց մենք հասկանում ենք, որ սա փոշի անել է. իրականում նույն բանը կարող էր անել նաև Հովիկ Աբրահամյանը, եթե հրահանգ տային, ինչպես որ հրահանգ տվեցին Կարեն Կարապետյանին,- «Առաջին լրատվական»- ի հետ զրույցում, անդրադառնալով իշխանության կողմից իրականացվող փոփոխություններին, նշեց ազատամարտիկ Սուրեն Սարգսյանը:
«Պարզվում է՝ կարող են գազի սակագները իջեցնել… այս ամբողջը ծիծաղի ժանրից եմ համարում, եթե հնրավոր էր, ապա դա կարող էին այն ժամանակ էլ անել: Ի՞նչ է ստացվում. ժողովրդի «կաշին կլպեցին», հիմա գալիս է ժամանակը, որ պետք է վերընտրվեն, դրա համար են իջեցնում: Ընդամենը փորձում են վերարտադրվելու հիմքեր ստեղծել»,- այս կարծիքն արտահայտեց ազատամարտիկը:
Անդրադառնալով հարցին, թե արդյո՞ք իշխանությունը ունի վերարտադրվելու բոլոր հնարավորությունները 2017-ի խորհրդարանական ընտրություններում, Սուրեն Սարգսյանը նշեց. «Այս իրավիճակում, կարծում եմ, ունի: Ես կարող եմ նաև մեխանիզմն ասել: Ես Սերժ Սարգսյանին համարում եմ «մեծ կոմբինատոր», այս ժամանակների համար Բենդերից էլ ուժեղ է: Քանի որ իմիջային ընտրություններ են սպասվում, օլիգարխներին, ովքեր վաղուց հանցագործություն են արել, կասեն՝ դու պետք է ամեն ինչ անես, որ մենք ընտրվենք, որպեսզի դու էլ լինես մեր ցուցակում: Օլիգարխների մի մեծ մասը գնալու է «բոմժացման», որովհետև երբ կհայտնվեն Ազգային ժողովում, Գործադիր մարմնում կհայտնվեն «օսլայած օձիքով» տղաները և Գործադիրը օլիգարխին կասի՝ հա՛, պատգամավոր ես, բայց նախկինի պես չես կարող աշխատել: Այսինքն՝ այս մարդիկ մի կողմից կրակն են ընկել: Մյուս կողմից՝ մենք կստանանք այդ պատկերը, քանի որ քաղաքական դաշտը ամայի է, ընդդիմադիր դաշտում ոչինչ չկա:
Ազատամարտիկի կանխատեսմամբ՝ 2017-ին Ազգային ժողովում կհայտնվեն ՀՀԿ-ն, ՀՎԿ-ն և ԲՀԿ-ն:
Մարամասները՝ տեսանյութում:
