Կառավարության հրավիրած ԱԺ արտահերթ նիստում կառավարության ծրագրի քննարկմա ժամանակ ԲՀԿ խմբակցության պատգամավոր Միքայել Մելքումյանի հարցերին ի պատասխան, որոնք վերաբերում էին ներդրումների ու աղքատության կրճատմանը, վարչապետ Կարեն Կարապետյանը պատասխանեց. «Մենք թվարկել ենք, թե ինչ ենք անելու գյուղատնտեսության մեջ, ինչ ենք անելու, որպեսզի բիզնեսը վերարտադրվի. եթե էֆեկտիվ աշխատենք, արդյունքներ կգրանցվեն, եթե էֆեկտիվ չաշխատենք, չեն գրանցվի:
Ներդրումներ չեն կատարվում բազմաթիվ պատճառներով՝ երկրի փոքրություն, լոբբիստիկ դաշտ, հարկային-մաքսային ոլորտի մինչև վերջ չհասկացվածություն, պատճառները բազմաթիվ են… ռիսկայնությունը բարձ է փող ներդնելու համար՝ աշխարհաքաղաքական վիճակի, պատերազմական վտանգի և այլ պատճառներով:
Աղքատության կրճատման վերաբերյալ վարչապետը նշեց. «Դրա համար պետք է ստեղծել աշխատատեղեր: Մեր բիզնես միջավայրը հիասթափված է, բիզնես միջավայրում կրակ չեմ տեսնում: Աղքատությունը կկրճատվի աշխատելով, աշխատավարձ ստանալով, իսկ դրա համար ի՞նչ է պետք անել….»,- հռետորական հարց ուղղեց վարչապետը:
Մանրամասները՝ տեսանյութում:
