«Առաջին լրատվական»- ի հետ զրույցում ՀՀՇ վարչության նախկին անդամ, ԱԺ նախկին փոխնախագահ Կարապետ Ռուբինյանն անդրադառնալով վերջին շրջանում իշխանության կողմից իրականացվող փոփոխություններին, նշեց, որ չի կիսում այն կարծիքը, թե այդ փոփոխությունները հերթական անգամ հասարակությանը մոլորեցնելու համար է արվում:
«Չեմ կիսում այդ կարծիքը, որովհետև ուղղակի կապ եմ տեսնում «Սասնա ծռեր»- ի ապստամբության և այդ քայլերի միջև, որովհետև կարծում եմ, որ այդ ապստամբությունը, որքան էլ, որ դա գնահատենք լիովին չնախապատրաստված կամ ձախողված, այնուամենայնիվ, շատ լուրջ ահազանգ էր իշխանությունների համար, և կարծում եմ, որ քայլերը, որոնք ձեռնարկվեցին, փորձ են ինչ-որ չափով զսպել համաժողովրդական զայրույթը, որն իրենք տեսան հուլիսին, որովհետև բավականին արտառոց երևույթ է, երբ որ ողջ հասարակությունը կանգնեց ապստամբների կողքին և իշխանությանը պաշտպանող չկար»,- նշեց Կ. Ռուբինյանը:
Նրա դիտարկմամբ՝ հասարակության մեծ մասը հիմա էլ դեմ է, որպեսզի բռնությամբ հարցերը լուծվեն. «Բայց այդ քայլով հասարակությունը ցույց տվեց, որ արդեն հանդուժել նման վերաբերմունքն իր նկատմամբ հնարավոր չէ, և բոլորն էլ հասկացան, որ մեղավորը իշխանություններն են, որոնք ապստամբներին ճարահատյալ քայլի դրդեցին»:
Մանրամասները՝ տեսանյութում: