Այսօր նախագահի նստավայրի դիմաց հավաքվել էին Սարի թաղի բնակիչները, ովքեր բողոքի ցույց էին անում՝ պահանջելով ազատ արձակել Սարի թաղի դեպքերի ժամանակ ձերբակալված իրենց հարազատներին:
Հարազատները նշեցին, որ թաղամասի բնակիչները երեք օր գազ, ջուր, հոսանք ու տրանսպորտ չեն ունեցել, նրանց պահանջը եղել է կենցաղային խնդիրների լուծումը, սակայն նրանց մեղադրանք է առաջադրվել քաղաքական ենթատեքստով:
«Մենք նախագահից պահանջում ենք արդարություն»,- ասաց կալանավորված Էդուարդ Զեյթունյանի քույրը՝ Լուսինե Բալաբանյանը: