Ընտրական օրենսգրքի նախագծում ընտրակեղծիքի մասին «ակնհայտ սուտ մատնության» դիսպոզիցիայի ձևակերպման շուրջ համաձայնությունը դեռ չի կայացել: Այս մասին, այսօր՝ հոկտեմբերի 19-ին, խմբակցությունների ղեկավարների մասնակցությամբ ԸՕ շուրջ քննարկումից հետո լրագրողներին հայտնեց ՀԱԿ խմբակցության ղեկավար Լևոն Զուրաբյանը:
«Դեռ համաձայնության չենք եկել, քննարկում ենք: Այն խնդիրը, որի մասին վարման կարգով խոսեց Գագիկ Ջհանգիրյանը դեռ լուծված չէ, բանակցությունները շարունակվում են, հուսով եմ՝ կկարողանանք գալ ընդհանուրի: Եթե համաձայնություն չլինի, կմտածենք, թե ինչ պետք է անենք, դա դեռ չի քննարկվել, այս պահին կենտրոնացած ենք խնդրի հարթման վրա»,- ասաց Զուրաբյանը:
Լ. Զուրաբյանը նշեց, որ չգիտի, թե երբ կլինի հաջորդ քննարկումը, ընդգծեց, որ բանակցությունները շարունակվում են:
Մանրամասները՝ տեսանյութում: