«Ամենալավ ծրագրերը կարելի է ներկայացնել, իսկ հետո կարելի է անել նույն չարագործությունն, ինչ-որ արվել է տարիներ շարունակ, այնպես որ անկախ ծրագրի բովանդակությունից, իհարկե, մենք այս կոռումպացված համակարգից շատ լավ բան չենք սպասում, բայց նաև սխալ կլիներ իմ կողմից առանց ծրագիրը կարդալու գնահատականներ տալ»,- այսօր Ազգային ժողովում լրագրողների հետ զրույցում ասաց ԱԺ ՀԱԿ խմբակցության ղեկավար Լևոն Զուրաբյանը:
Անդրադառնալով դիտարկմանը, թե կարճաժամկետ ծրագիր է, նա արձագանքեց. «Եթե 6 ամսվա ծրագիր է, ակնհայտ է, որ խոսքը նախընտրական խոստումների մասին է, դրանով արդեն վստահելությունն այդ ծրագրի նկատմամբ թուլանում է, բայց ամեն դեպքում մի տանջեք ինձ, թողեք, ես կարդամ ծրագիրը, հետո նոր կպատասխանեմ ձեր հարցերին»:
Լևոն Զուրաբյանը նշեց, որ նախկինում մեծ պրոյեկտների վերաբերյալ խոստումներ են տրվել և չեն իրականացվել. նախագահ Սերժ Սարգսյանի խոստումները Հյուսիս-Հարավ ճանապարհի, իրականական երկաթուղու, նոր ատոմակայանի կառուցման, կենսաթոշակների, աշխատավարձերի բարձրացման, ՀՆԱ-ի 7 տոկոսանոց աճ ապահովելու վերաբերյալ և այլն չեն իրագործվել:
Մանրամասները՝ տեսանյութում:
