«Մեր ընտրական համակարգը, թերևս, այն համակարգը չէ, որի մասին շուրջ երկու տարի խոսում էին, սահմանադրական փոփոխությունների հետ էին կապում և նշում, որ տեսեք՝ սահմանադրական փոփոխություններ ենք անելու և ունենալու ենք փայլուն ընտրական համակարգ: ՏԻՄ ընտրությունները ցույց տվեցին, որ այդպես չէ:
ՏԻՄ ընտրությունների նաև հետընտրական զարգացումները հնարավորություն տվեցին հասկանալու, որ երբ ընտրություններից հետո արդեն իսկ ընտրված մարդկանց՝ ավագանու անդամների նկատմամբ կիրառվում են ինչ-որ մեեթոդներ, որպեսզի նրանց ձայները վերցնեն՝ կլինի դա ահաբեկչություն, կլինի կաշառել կամ այլ ազդեցություն, դա նշանակում է, որ մենք խնդիր ունենք՝ կապված ընտրական մշակույթի հետ. այս ձևով մենք ոչնչացնում ենք քաղաքական համակարգը, ոչնչացվում է քաղաքական մշակույթը: Մենք սովոր ենք, որ տարիների ընթացքում կիրառվում են տարբեր կեղծիքներ, բայց եթե հետընտրական փուլում են այսպիսի մեթոդներ կիրառվում, դա միանշանակ վտանգի տակ է դնում մեր քաղաքական մշակույթը»,- այս մասին ԱԺ այսօրվա նիստում ասաց ԱԺ ԲՀԿ խմբակցության պատգամավոր Էլինար Վարդանյանը:
Մանրամասները՝ տեսանյութում: