Ավստրալիայի վարչապետի կիբերանվտանգության գծով հատուկ խորհրդական Ալիսթեր Գիբոնը հայտարարել է, որ երկրի բարձրագույն ղեկավար պաշտոնյաները կարևոր պետական հարցերը քննարկում են WhatsApp մեսենջերի օգնությամբ: Այդ մասին հայտնում է Mashable-ը:
Տեղեկատվական պաշտպանության ոլորտի փորձագետները մտահոգություն են հայտնել, որ ազգային անվտանգության գաղտնի հարցերը քննարկվում են սովորական մեսենջերի օգնությամբ:
Հենց որ ցանկացած անձնական տեղեկատվություն ընկնում է WhatsApp, այն պոտենցիալ կերպով կարող է հայտնվել ցանցահենների ձեռքում՝ ռիսկի ենթարկելով և՛ ուղարկողին, և՛ ստացողին:
Հատուկ անհանգստություն է առաջացրել այն փաստը, որ WhatsApp-ում չի մտնում Evaluated Products List-ը, որը ներառում է Ավստրալիայի նախարարների միջև հաղորդակցման համար հավանություն ստացած գործիքները: