Volkswagen ընկերությունը համաձայնվել է փոխհատուցել 175 միլիոն դոլարի չափով իրավաբանական օգնության ծախսերը, որոնք կրել են ընկերությանը ԱՄՆ-ում դատի տված ավտոմեքենաների տերերը: Այս մասին հայտնում է Reuters գործակալությունը:
Ինչպես տեղեկացնում է գործակալությունը՝ հղում անելով աղբյուրներին, 2016 թվականի ամռան վերջին փաստաբանները մտադիր են եղել իրենց աշխատանքի համար ընկերությունից պահանջել 332.5 միլիոն դոլար:
Գործակալությանը չի հաջողվել պաշտոնական մեկնաբանություն ստանալ ընկերության ներկայացուցիչներից կամ փաստաբաններից:
Ավելի վաղ Volkswagen-ը «դիզելային» սկանդալի կարգավորմանն ուղղել է ավելի քան 15 մլն դոլար: Ընկերությունը համաձայնվել է ավելի քան 1.2 միլիարդ դոլարի չափով փոխհատուցում վճարել նաև ԱՄՆ-ում իր 650 դիլերներին «դիզելային» սկանդալի հետ կապված կորուստների համար: