Թուրքիայի վարչապետ Ռեջեփ Թայիփ Էրդողանը, 1908 թվականից ի վեր Թուրքիայում գործող «Ժամանակ» պարբերականի գլխավոր խմբագիր Արա Գոչունյանին տված հարցազրույցում խոսելով Թուրքիայի հայկական համայնքի մասին, հայտարարել է. «Թուրքիայի հայկական համայնքը դիտում եմ որպես մեր երկրի հարստությունը: Գոհունակությամբ հետևում եմ Թուրքիայում բնակվող հայերի` ներքին խաղաղության և հանգստության պահպանման ուղղությամբ գործադրած ջանքերին»:
Ինպես գրում է թուրքական Hürriyet-ը՝ վարչապետը, շեշտելով, որ Թուրքիան ոչ մի երկրի նկատմամբ թշնամանք չի տածում, նշել է, որ իրենք կարող են ջերմ և բարեկամական հարաբերություններ հաստատել Հայաստանի հետ. «Պատմությունը թողնելով պատմաբաններին և մտավորականներին` մենք միասին կարող ենք ապագա կառուցել: Դեռ հավատում եմ, որ դա հնարավոր է: Ափսոս, որ հայկական սփյուռքի մի մասն այս տեսանկյունից չի նայում հարցին, ինչն էլ խոչընդոտում է գործընթացին»,- նշել է Թուրքիայի վարչապետ Ռեջեփ Թայիփ Էրդողանը: