Հնդկաստանի բնակիչները հարկային համաներման արդյունքում հայտարարել են ավելի քան 9.5 միլիարդ դոլար ավելի վաղ թաքնված եկամուտների և ակտիվների մասին, հայտնում է BBC-ն:
Քրեական հետաքննությունից ազատելու դիմաց հարկերից խուսափողները պետք է վճարեին համեմատաբար ոչ մեծ տուգանք և փոխհատուցում:
Հնդկաստանի բյուջեի համաներումից ստացված եկամուտները գնահատվում են ավելի քան 4 միլիարդ դոլար:
Ուրբաթ օրը Հնդկաստանում ավարտվել է չորսամսյա հարկային համաներումը: Ինչպես պատմել է երկրի ֆինանսների նախարար Արուն Ջայնթլին, այդ ժամանակաընթացքում եկամուտները բացելու կառավարության առաջարկությունից օգտվել են ավելի քան 64 հազար մարդ:
